Sosial Sığorta Haqqı Rekordu: Büdcəyə 5.7 Milyard Manatdan Çox Vəsait Daxil Olub!
2024-cü ilin yanvar-noyabr aylarında məcburi dövlət sosial sığorta haqları üzrə daxilolmalar 5 milyard 733,6 milyon manata yüksəlib.
Rock.News xəbər verir ki, bu barədə İqtisadiyyat Nazirliyi yanında Dövlət Vergi Xidmətindən bildirilib. Daxilolmalar əvvəlki ilin müvafiq dövrü ilə müqayisədə 11,7 faiz (601,3 milyon manat) artıb. Qeyri-büdcə təşkilatları üzrə daxilolmalar 12,3 faiz artaraq 3 milyard 832,2 milyon manata çatıb.
İşsizlikdən sığorta haqları üzrə daxilolmalar 10,4 faiz artaraq 203,0 milyon manat təşkil edib, qeyri-büdcə təşkilatları üzrə bu rəqəm 11,4 faiz artımla 155,0 milyon manat olub. İcbari tibbi sığorta haqları üzrə daxilolmalar isə 10,1 faiz artaraq 1 milyard 6,3 milyon manata yüksəlib, qeyri-büdcə təşkilatları üzrə daxilolmalar 9,6 faiz artaraq 713,7 milyon manat təşkil edib.