Yıldız Tilbe: Həyatımın film olmasını qadağan edirəm!
Məşhur türk müğənnisi Yıldız Tilbe sensasiyalı bir açıqlama verərək, ölümündən sonra həyatının filmə çəkilməsini qəti şəkildə qadağan etdiyini bildirib. İfaçı bu qərarını, yaşayarkən heç kimin onu anlamaması ilə əsaslandırıb.
Rock.News xəbər verir ki, müğənni bu barədə məkanlardan birində jurnalistlərin suallarını cavablandırarkən deyib. Tilbe, "Vəfat etdikdən sonra həyatımın film olmasını qadağan edirəm. Çünki yaşayarkən heç kim məni anlamadı!" ifadələrini işlədib. Bu açıqlama sənət dünyasında böyük marağa səbəb olub.