Şuşada Minatəmizləmə Qaydaları Sərtləşir: Yeni Təhlükəsizlik Tələbləri

Şuşa şəhərində minatəmizləmə fəaliyyəti ilə bağlı yeni qaydalar tətbiq olunacaq. Bu dəyişikliklər tarixi və arxeoloji əhəmiyyət kəsb edən ərazilərdə minatəmizləmə işlərinin daha təhlükəsiz və mədəni irsin qorunması məqsədilə həyata keçirilməsini nəzərdə tutur.

Rock.News xəbər verir ki, Milli Məclisin iclasında müzakirəyə çıxarılan “Azərbaycanın mədəniyyət paytaxtı – Şuşa şəhəri haqqında” qanuna təklif edilən dəyişikliklərə əsasən, minatəmizləmə işləri müvafiq icra hakimiyyəti orqanının nümayəndəsinin iştirakı ilə aparılacaq. Abidə aşkar edildikdə, işlər dərhal dayandırılmalı və müvafiq orqana məlumat verilməlidir. Qanun layihəsi artıq ilk oxunuşda qəbul edilib.