Fitch: Neft qiymətləri 2026-da ucuzlaşacaq - Proqnoz ŞOKU!

“Fitch Ratings” beynəlxalq reytinq agentliyi qlobal neft bazarında 2026-cı ildə təklifin tələbi üstələməyə davam edəcəyini və bunun neft qiymətlərinə təzyiq göstərə biləcəyini proqnozlaşdırır. Agentlik Brent markalı neftin orta qiymətinin 2026-cı ildə 63 ABŞ dolları/barel səviyyəsinə enəcəyini gözləyir, halbuki bu göstərici 2025-ci ildə 69 dollar/barel səviyyəsində qiymətləndirilir.

Rock.News xəbər verir ki, Fitch-in məlumatına görə, 2025-ci ildə qlobal neft hasilatı əhəmiyyətli dərəcədə artıb və bu artımın 2026-cı ildə də davam edəcəyi gözlənilir. Həm OPEC+, həm də OPEC+ xaricində olan ölkələrdə neft istehsalı tələbdən daha sürətlə artır. Eyni zamanda, neftə tələbin artımı qlobal iqtisadi artımın yavaşlaması, enerji səmərəliliyinin yüksəlməsi, elektrikli avtomobillərin sayının artması və petrokimya sektorunda zəiflik səbəbindən zəifləyib. Agentlik qeyd edir ki, 2025-ci ilin sonlarında bazarda yığılan neft ehtiyatları 2026-cı ildə anbarlara daxil ola bilər, xüsusilə ABŞ və Avropa kimi iri bazarlarda ehtiyatların artması qiymətlərin daha da azalmasına səbəb ola bilər.