Azərbaycan Çinə Sərmayə Yatırır: Süni İntellekt Sahəsində Yeni Əməkdaşlıq!
Rəqəmsal inkişaf və nəqliyyat nazirinin müavini Samir Məmmədov və Prezident Administrasiyasının nümayəndəsi Elmir Vəlizadə Çinin Şanxay şəhərində “ByteDance” şirkətinin təşkil etdiyi tədbirdə iştirak edərək, Azərbaycanda süni intellekt sahəsində yeni əməkdaşlığın təməlini qoyublar. Konfransda süni intellektin sənaye və biznesdəki tətbiqi, böyük dil modellərinin inkişafı kimi məsələlər müzakirə olunub.
Rock.News xəbər verir ki, səfər çərçivəsində “BytePlus” şirkətinin direktoru Yongliang Zhang ilə keçirilən görüşdə “ByteDance/BytePlus” arasında əməkdaşlıq perspektivləri, süni intellekt həllərinin Azərbaycanda tətbiqi, məlumat mərkəzinin yaradılması və birgə sərmayə imkanları müzakirə edilib. Əməkdaşlığın davamı olaraq prioritetlərin müəyyənləşdirilməsi və birgə layihələrin qiymətləndirilməsi məqsədilə birgə işçi qrupu yaradılacaq. “ByteDance” süni intellektlə dəstəklənən innovativ platformaların yaradılmasına fokuslanan qlobal texnologiya şirkətidir və “TikTok”, “Douyin” kimi məşhur məhsulları ilə tanınır.
