NATO casusları Rusiyanın “Starlink” planını ifşa etdi: Yeni təhlükə!
NATO-ya üzv olan iki ölkənin kəşfiyyat xidmətləri Rusiyanın İlon Maskın “Starlink” peyklərini sıradan çıxarmaq məqsədilə yeni anti-peyk silahı üzərində işlədiyini bildirib. Bu iddia, Ukraynada davam edən müharibə şəraitində peyklərin roluna dair narahatlıqları artırıb.
Rock.News xəbər verir ki, “Associated Press”in məlumatına görə, Rusiyanın məqsədi Ukraynaya döyüş meydanında üstünlük verən “Starlink” peyklərinin fəaliyyətini zəiflətməkdir. Rusiya bunun üçün orbitdə dağıdıcı qəlpə buludları yarada biləcək döyüş sursatlarını partlatmağı planlaşdırır. Bu, eyni zamanda bir neçə peyki sıradan çıxara bilər, lakin digər orbitdə olan sistemlər üçün də təhlükə yaradır. Bu plan beynəlxalq aləmdə böyük narahatlıq doğurub, çünki orbitdəki hər hansı bir dağıdıcı fəaliyyət uzunmüddətli nəticələrə səbəb ola bilər.
