İstanbulda Azərbaycan tankeri qəzası: Xilasetmə əməliyyatı başladı, həyəcan siqnalı

İstanbul sahillərində Azərbaycan və Türkiyə bayraqları altında üzən iki tankerdən həyəcan siqnalı alınıb. Xilasetmə qrupları dərhal əraziyə cəlb olunub.

Rock.News xəbər verir ki, Türkiyə Nəqliyyat və İnfrastruktur Nazirliyi xilasetmə qruplarının əraziyə göndərildiyini açıqlayıb. Hazırda hadisə yerində təxliyə işləri davam etdirilir. İlkin məlumatlara görə, insidentə səbəb əlverişsiz hava şəraiti olub. Tankerlərdən birinin lövbər zənciri digərinin pərinə ilişib. Xoşbəxtlikdən, hadisə nəticəsində gəmiyə ziyan dəyməyib və dəniz mühitinə hər hansı zərər qeydə alınmayıb. "Kəlbəcər" tankeri artıq dayaz sudan çıxarılıb və növbəti səfər üçün təlimat gözləyir. Vəziyyət nəzarət altındadır və heyətin təhlükəsizliyi təmin olunub.