ABŞ Suriyada İŞİD-ə zərbə endirdi: Onlarla terrorçu zərərsizləşdirildi

ABŞ Mərkəzi Komandanlığı (CENTCOM) Suriyada İŞİD mövqelərinə endirilən hava zərbələri nəticəsində təxminən 25 İŞİD silahlısının zərərsizləşdirildiyini və ya həbs edildiyini açıqlayıb.

Rock.News xəbər verir ki, CENTCOM-un “X” hesabında yayımlanan məlumata əsasən, dekabrın 20-29-da keçirilən 11 əməliyyat nəticəsində azı 7 İŞİD terrorçusu öldürülüb, digərləri isə həbs edilib. Həmçinin, terror qruplaşmasına məxsus 4 silah anbarı məhv edilib. Son bir ildə ABŞ və tərəfdaşlarının Suriyada İŞİD-ə qarşı əməliyyatlarında 300-dən çox terrorçu həbs edilib, 20-dən çoxu isə öldürülüb.