SOCAR Türkiyədəki elektrik stansiyasını tam ələ keçirir: Sabah Saziş!
SOCAR Türkiyədə fəaliyyətini genişləndirərək, “Gama Enerji İç Anadolu” elektrik stansiyasının 100% payını əldə etməyi planlaşdırır. Bu, Azərbaycan və Türkiyə arasında enerji sahəsində əməkdaşlığın yeni mərhələsi olacaq.
Rock.News xəbər verir ki, bu barədə Baş nazir Əli Əsədov Azərbaycan ilə Türkiyə arasında iqtisadi əməkdaşlıq üzrə Birgə Hökumətlərarası Komissiyanın 12-ci iclasında bildirib. Əsədov qeyd edib ki, SOCAR həmçinin Petkim vasitəsilə bir sıra yeni fabriklərin tikintisini və mövcud fabriklərin modernizasiyasını planlaşdırır. “Gama Enerji İç Anadolu” elektrik stansiyasının 100% payının əldə edilməsi ilə bağlı sazişin sabah 2-ci Azərbaycan-Türkiyə İnvestisiya Forumunda imzalanması gözlənilir. Söhbət 225 milyon dollarlıq investisiyadan gedir.
