Serdal Adalıdan ŞOK Rafa Silva Açıqlaması: 15 Milyon Avro Verən Aparsın!

“Beşiktaş” klubunda Rafa Silva böhranı davam edir. Klub prezidenti Serdal Adalı bu gün sensasiyalı bir açıqlama verərək, portuqaliyalı futbolçunun satıla biləcəyini deyib. Adalı, Rafa Silvanın komandadan ayrı qalması ilə bağlı suallara cavab verərkən, hər kəsin gözlərini açan bir təklif irəli sürüb.

Rock.News xəbər verir ki, Serdal Adalı baş məşqçi Sergen Yalçınla keçirdikləri mətbuat konfransından bəri Rafa Silvanın klubda yalnız vitse-prezident Murat Kılıçla bir dəfə danışdığını bildirib. Adalı, texniki heyətin futbolçunun hazırlıq vəziyyətini diqqətdə saxladığını və oynamaq istəsə, oynayacağını vurğulayıb. Daha da irəli gedərək, “Kim 15 milyon avro ödəsə, Rafa Silvanı ala bilər” deyə sensasiyalı bir ifadə işlədib. Rafa Silva əvvəlcə zədələndiyini əsas gətirərək məşqlərdə iştirak etməmiş, sonra isə klubu tərk etmək istədiyini bildirmişdi. Portuqaliyalı futbolçu son vaxtlar yenidən məşqlərə qatılsa da, hələlik komandanın heyətində meydana çıxmayıb.