Rövşən Rzayev İmişlidə köçkünləri qəbul etdi: Müraciətlər dinlənildi

Dövlət Komitəsinin sədri Rövşən Rzayev Prezident İlham Əliyevin tapşırığına əsasən, İmişlidə vətəndaşları qəbul edib. Qəbul zamanı əsasən İmişli, Beyləqan və Xocavənd rayonlarından olan sakinlər iştirak ediblər.

Rock.News xəbər verir ki, vətəndaşların müraciətlərində dövlət mənzil fonduna məxsus yaşayış sahələrinin verilməsi, yaşayış sahələrinin təmiri, müavinətin təyin edilməsi, məşğulluq və Böyük Qayıdışla bağlı məsələlər üstünlük təşkil edib. Qəbul zamanı vətəndaşların qaldırdıqları məsələlərin bir qismi yerində həll olunub, digər müraciətlərin araşdırılacağı bildirilib.