Türkiyə rəsmiləri Ermənistan sərhədində: Alican keçidinin açılışına hazırlıq?

Türkiyənin Iğdır vilayətinin qubernatoru Ercan Turan və digər yüksək vəzifəli şəxslər Türkiyə-Ermənistan sərhədində yerləşən Alican keçid məntəqəsinə baş çəkiblər. Səfərin məqsədi gələcəkdə sərhədin açılması ehtimalına hazırlıq görməkdir.

Rock.News xəbər verir ki, rəsmilər sərhəd-keçid məntəqəsinin texniki infrastrukturunun yaradılması və Ermənistan-Türkiyə sərhədinin mümkün açılışı zamanı xidmətlərin göstərilməsi üçün müvafiq tikililərin inşası şərtlərini yerindəcə öyrəniblər. Bu səfər iki ölkə arasında münasibətlərin normallaşması istiqamətində atılan addım kimi qiymətləndirilə bilər.