Gürcüstanda güclü qar fəsadlar törədib: elektrik kəsintiləri, nəqliyyat problemləri

Gürcüstanın qərb rayonlarında yağan intensiv qar bir sıra fəsadlar yaradıb, elektrik enerjisi ilə təchizatında problemlər yaranıb və sərnişin qatarlarının hərəkəti çətinləşib.

Rock.News xəbər verir ki, İmereti və Sameqrelo bölgələrinin əksər kəndlərinin elektrik xətlərinin sıradan çıxması səbəbindən işıqla təminatında problemlər yaranıb, Tbilisidən Batumiyə və əks istiqamətdə yola düşən qatarların hərəkət cədvəlinə dəişikliklər edilib. Acarıstan bölgəsində də problemlər yaranıb, yolların qardan təmizlənməsinə xüsusi texnika cəlb olunub. Sinoptiklər mürəkkəb hava şəraitinin yanvarın 2-dək davam edəcəyini proqnozlaşdırırlar.