Vergi Xidmətində Kadr Dəyişikliyi: Rəisə İki Yeni Müşavir!

Dövlət Vergi Xidmətinin (DVX) rəisi Orxan Nəzərli öz komandasını gücləndirmək məqsədilə iki yeni müşavir təyin edib. Bu təyinatlar Xidmətin strateji idarəetmə və insan resursları sahələrində daha da effektiv fəaliyyət göstərməsinə yönəldilib.

Rock.News xəbər verir ki, İnsan resursları baş idarəsinin rəisi Aytən Kərimova və Strateji planlaşdırma və təşkilati risklərin idarə olunması baş idarəsinin rəisi Fərid İsayev Dövlət Vergi Xidmətinin rəisinin müşavirləri vəzifəsinə təyin olunublar. Bu təyinatlarla DVX rəisinin müşavirlərinin ümumi sayı dördə çatıb.