ADY 30 Milyon Dollarlıq İstiqraz Buraxır: Yeni Lokomotivlər Alınacaq!
Azərbaycan Dəmir Yolları (ADY) 30 milyon ABŞ dolları dəyərində istiqraz buraxılışına başlayır. Bu addım, şirkətin hərəkət tərkibini yeniləmək və yükdaşıma potensialını artırmaq məqsədi daşıyan prioritet investisiya layihələrini maliyyələşdirmək üçün atılır.
Rock.News xəbər verir ki, istiqrazlar hər biri 100 ABŞ dolları nominal dəyərində olan 300,000 ədəd faizli, adlı, təminatsız və sənədsiz olacaq. Cəlb olunacaq vəsaitlər hesabına 7 ədəd magistral lokomotivin alınması planlaşdırılır. Ümumi layihə dəyəri 25,935 milyon ABŞ dolları təşkil edir, əlavə olaraq 20% ƏDV və gömrük rüsumları üzrə 5,187 milyon ABŞ dolları da bu vəsaitlərdən maliyyələşdiriləcək. Bu investisiya tədbirləri, ADY-nin əməliyyat effektivliyini yüksəltməyə və logistika xidmətlərinin keyfiyyətini yaxşılaşdırmağa yönəldilib.
