Kəmaləddin Heydərov Qətəri təbrik etdi: Əməkdaşlıq genişlənir
Fövqəladə hallar naziri Kəmaləddin Heydərov Qətər Dövlətinin Milli Günü münasibətilə Qətərin Bakıdakı səfirliyində təşkil olunan rəsmi qəbulda iştirak edərək, ölkəni təbrik edib. Tədbirdə Azərbaycan və Qətər arasında əməkdaşlığın genişləndirilməsinin önəmi vurğulanıb.
Rock.News xəbər verir ki, nazir çıxışında Azərbaycan Respublikasının Prezidenti cənab İlham Əliyevin adından Qətər xalqını Milli Gün münasibətilə təbrik edib, Qətər Dövlətinə əmin-amanlıq və davamlı tərəqqi arzulayıb. O, iki ölkə liderlərinin müdrik siyasəti nəticəsində əlaqələrin genişləndiyini qeyd edib. K.Heydərov Azərbaycan Respublikası Hökuməti və Qətər Dövləti Hökuməti arasında Birgə İqtisadi, Ticarət və Texniki Komissiyanın fəaliyyətini yüksək qiymətləndirib və fövqəladə halların idarə edilməsi sahəsində əməkdaşlığın əhəmiyyətini vurğulayıb.
