Keçmiş Təhsil Müdiri 8 İl Müddətinə Həbs Edildi: Rüşvətə görə!
Quba-Xaçmaz Regional Təhsil İdarəsinin sabiq müdiri Rüfət Hacıyev rüşvətə görə 8 il 6 ay müddətinə azadlıqdan məhrum edilib. Sumqayıt Ağır Cinayətlər Məhkəməsində keçirilən prosesdə ona hökm oxunub. Hacıyev təhsil sahəsində qanunsuz əməllərə yol verməkdə ittiham olunurdu.
Rock.News xəbər verir ki, Baş Prokurorluğun məlumatına görə, Rüfət Hacıyevin qanunsuz əməlləri barədə daxil olmuş məlumat əsasında cinayət işi başlanıb. İstintaq zamanı onun 2017-2023-cü illərdə müxtəlif vəzifələrdə işləyərkən ümumilikdə 65 min manatdan artıq pul vəsaitini rüşvət şəklində almasına dair əsaslı şübhələr müəyyən edilib. Həmçinin, 20 min manat məbləğində pulun Hesablama Palatasının əməkdaşı İntiqam Hacıyev tərəfindən rüşvət qismində alınmasına vasitəçilik etməsi və qanunsuz yolla əldə etdiyi 175 min manatdan artıq pul vəsaitini leqallaşdırması da aşkar edilib.