Avropa Komissiyasından ŞOK Qərar: Benzin Qadağası Təxirə Salına Bilər!
Avropa Komissiyası (AK) daxili yanma mühərriki (DYM) olan yeni avtomobillərin qeydiyyatına qoyulan qadağanı 5 il müddətinə təxirə salmaq imkanını nəzərdən keçirir. Bu qərar, İtaliya və Polşa kimi ölkələrin, həmçinin bir sıra böyük avtomobil konsernlərinin təzyiqi nəticəsində qəbul oluna bilər. Onların fikrincə, qadağanın 2035-ci ilə qədər tam həyata keçirilməsi Aİ-nin avtomobil sənayesini məhv edə bilər.
Rock.News xəbər verir ki, AK daxili yanma mühərriklərinin hibrid avtomobillərdə 2040-cı ilə qədər istifadəsinə icazə verəcək, lakin bu avtomobillər "təkmilləşdirilmiş" yanacaqla işləməli və "yaşıl" poladdan istehsal olunmalıdır. Avropa Komissiyası hələlik hibrid avtomobillərin Aİ bazarında hansı paya malik olacağını müəyyən etməyib, yanacaqla bağlı texniki tələblər də tam dəqiqləşdirilməyib. DYM-li avtomobillərdən imtina qaydası 2023-cü ildə Avropa İttifaqı Şurası tərəfindən təsdiqlənib və 2035-ci ildən etibarən Aİ ölkələri belə mühərriklərə malik yeni avtomobilləri qeydiyyata almayacaqlar.