Şərif Ağayar Aşıq Ələsgəri Anır: Yeni Kitab Təqdimatı!
Dekabrın 8-də Dövlət Mahnı Teatrında Şərif Ağayarın “Mənim tanıdığım Ələsgər” kitabının təqdimatı olacaq. Tədbirdə Aşıq Ələsgərin həyat və yaradıcılığına işıq salınacaq.
Rock.News xəbər verir ki, təqdimat mərasimi “Dədə Ələsgər Ocağı” İctimai Birliyinin konserti ilə birgə keçiriləcək. Tanınmış şəxslərin çıxışları, aşıqların ifaları gözlənilir.
“Qanun” nəşriyyatının buraxdığı kitabda müəllif Aşıq Ələsgərin yaradıcılığına öz prizmasından baxır, onu daha çox şair kimi təqdim edir. Kitabda klassik ədəbiyyat, xüsusən Füzuli yaradıcılığı ilə müqayisələr aparılır. Tədbirə giriş sərbəstdir.
