Qərbi Azərbaycan: İcma Konfransı Mədəni İrs və Qayıdış Hüququnu müzakirə etdi

Rock.News xəbər verir ki, tədbirdə dünyanın 60-dan çox ölkəsindən 100-ə yaxın qonaq, həmçinin Azərbaycanın ekspertləri, alimləri, ictimai xadimləri və dövlət rəsmiləri iştirak ediblər. Konfransda Qərbi Azərbaycan İcmasının fəaliyyəti, Heydər Əliyev və İlham Əliyevin Qərbi Azərbaycan məsələsinə diqqəti vurğulanıb.

Prezident Administrasiyasının nümayəndəsi Ədalət Vəliyev Prezident İlham Əliyevin konfrans iştirakçılarına müraciətini oxuyub. İcma sədri Əziz Ələkbərli, İcmanın əsas məqsədinin azərbaycanlıların öz yurdlarına qayıdış hüququnu təmin etmək olduğunu bildirib. O, Ermənistanda azərbaycanlıların mədəni irsinin dağıdıldığını və qayıdış hüququnun tanınmasının vacibliyini vurğulayıb.

Konfransda çıxış edən Türkiyə Böyük Millət Məclisinin üzvü Şamil Ayrım, Türkiyənin hər zaman Azərbaycanın yanında olduğunu bildirib və Ermənistanın monoetnik dövlətə çevrilməsinin yaratdığı təhlükələrə diqqət çəkib.

Konfransda müxtəlif panellər təşkil olunub. Panellərdə qayıdış hüququnun hüquqi əsasları, maddi və qeyri-maddi irsin qorunması məsələləri, beynəlxalq əməkdaşlıq və digər mövzular müzakirə edilib. Sonda konfransın yekun sənədi səsləndirilib.