"Moody's" Azərbaycan bank sektoruna dair proqnozunu AÇIQLADI: Stabil və müsbət!

Rock.News xəbər verir ki, agentliyin hesabata görə, aktiv keyfiyyəti sabit olaraq qalacaq, çünki iqtisadi şərait əlverişli olaraq davam edir. Sektorun kredit portfeli üzrə risklərin idarə olunması gücləndirilir, problemli aktivlərin tanınması və ehtiyatların yaradılması üzrə daha sərt tələblər tətbiq olunur.

"Moody’s" vurğulayır ki, məhz bu yanaşma bankların dayanıqlığını artıran əsas amillərdəndir. Agentlik həmçinin qeyd edir ki, kapital adekvatlığı göstəriciləri növbəti dövrdə daha da yaxşılaşacaq. Güclü mənfəətlilik, daxili kapital generasiyası və prudensial tələblərin sərtləşdirilməsi nəticəsində Azərbaycan bankları daha yüksək itkiləri qarşılama qabiliyyətinə malik olacaq. Agentliyin proqnozuna görə, likvidlik də kifayət qədər möhkəm qalacaq. Kredit artımı depozit artımını nisbətən üstələsə də, sektorda likvidlik tam adekvat səviyyədə qalacaq. Dövlət banklarının böyük bazar payı və dövlət dəstəyinə yüksək hazır olma da sektorun ümumi risk profilini aşağı saxlayan amillər kimi göstərilir. Agentlik bildirir ki, Azərbaycanın fiskal mövqeyinin güclənməsi bank sektoruna potensial dövlət dəstəyi imkanlarını da artırır.