Azərbaycan UNEP-də sədrliyi qəbul etdi: Prioritetlər müəyyənləşdirilir

Rock.News xəbər verir ki, iki ildən bir keçirilən iclas BMT-nin Ətraf Mühit Assambleyasının (UNEA) 7-ci sessiyasında qəbul olunacaq qərar və qətnamə layihələrinin müzakirəsi üçün 5 gün davam edəcək.

Azərbaycanın BMT-nin Nayrobi şəhərindəki bölməsində daimi nümayəndəsi Sultan Hacıyev bu ilin iyun ayında UNEP-in Daimi Nümayəndələr Komitəsinin Bürosunun 2025-2027-ci illər üzrə sədri vəzifəsinə seçilib.

UNEP Daimi Nümayəndələr Komitəsi ətraf mühit məsələləri üzrə dünya əhəmiyyətli prioritetləri müəyyən edən, 193 dövlətin üzv olduğu UNEA-nın daimi fəaliyyət göstərən orqanıdır. UNEA-nın 7-ci sessiyasında 5000-ə yaxın nümayəndənin iştirakı gözlənilir.

Azərbaycan bu sədrliyi çərçivəsində UNEA-nın 7-ci sessiyasının prezidenti Oman Sultanlığı ilə birlikdə əlaqədar proseslərə töhfə verir. Ölkəmiz UNEP-in 2026-cı ildə keçiriləcək «Ümumdünya Ətraf Mühit Günü»nə ev sahibliyi edəcək. Həmçinin, 2026-cı ilin 17-22 may tarixlərində ölkəmiz BMT-nin Ümumdünya Şəhərsalma Forumunun 13-cü sessiyasına da ev sahibliyi edəcək.