Honq Konqda yanğın, Kiyevə hücum: Həftənin ən şok fotoları!

Rock.News xəbər verir ki, Al Jazeera tərəfindən seçilmiş həmin fotolarda baş verən dəhşətli hadisələrin miqyası əks olunub.

Tay Po bölgəsindəki yaşayış kompleksində baş verən yanğın zamanı 71 yaşlı Vonq həyat yoldaşının binada qaldığını deyərək fəryad edib. Yanğın nəticəsində azı 46 nəfər ölüb, onlarla insan itkin düşüb.

Mərkəzi Qəzza zolağındakı Bureyc qaçqın düşərgəsində dağıdılmış binaların arasında odun qalayaraq isinən fələstinli qadınlar İsrailin Qəzzaya hücumlarının fəsadlarını yaşayır. Müharibə nəticəsində on minlərlə insan həlak olub.

Kolombonun kənarındakı Kaduvelada güclü yağışlardan sonra yaranmış daşqın sularına qərq olmuş evlər Şri-Lankanı fəlakətə sürükləyib. Ölkədə fövqəladə vəziyyət elan edilib.

Şimali Koreya lideri Kim Çen In və qızı Ju Ae, Xalq Ordusunun Hərbi Hava Qüvvələrinin 80 illik yubileyində Vanşan şəhərindəki Kalma Hava Bazasında nümayiş uçuşunu izləyirlər.

Kiyevdə hava hücumu zamanı zərbə alan yaşayış binasının qarşısında bir sakin zədələnmiş avtomobilini yoxlayır. Rusiyanın dron hücumu nəticəsində Ukrayna paytaxtında bir nəfər ölüb.

İndoneziyanın Açe əyalətində qəfil daşqınlardan sonra sakinlər sel basmış evin girişindəki palçığı təmizləyirlər. Cənub-Şərqi Asiyada baş verən daşqınlar yüzlərlə insanın ölümünə səbəb olub.