FİFA Dünya Kuboku 2026: Mükafat Fondu Rekordu Qırdı!

FİFA 2026-cı ildə ABŞ, Kanada və Meksikada keçiriləcək Futbol üzrə Dünya Çempionatının mükafat fondunda böyük artım elan edib. Turnirin ümumi mükafat fondu 727 milyon dollar təşkil edəcək, bu da əvvəlki çempionatla müqayisədə 50% çoxdur. Qalib komanda 50 milyon dollar qazanacaq.

Rock.News xəbər verir ki, FİFA Şurasının Dohada keçirilən iclasında bu barədə qərar qəbul edilib. Ümumilikdə 655 milyon dollar çempionatda iştirak edən ölkələrə veriləcək. İkinci yerin sahibi 33 milyon dollar, üçüncü yerin sahibi 29 milyon dollar qazanacaq. Hər mərhələni keçən komandalar turnirə hazırlıq xərcləri üçün əlavə 1,5 milyon dollar alacaqlar. Beləliklə, 2026-cı il Dünya Kubokunda iştirak edən hər bir komanda ən azı 10,5 milyon dollar əldə edəcək. 2026-cı il Dünya Çempionatı 11 iyun - 19 iyul tarixlərində ABŞ, Kanada və Meksikada keçiriləcək və ilk dəfə 48 komanda iştirak edəcək.