Qarabağa yeni köç: Ağdərə və Xocalı kəndlərinə qayıdış davam edir

Ağdərə və Xocalı rayonlarının daha bir neçə kəndinə növbəti köç karvanları yola düşüb. Bu dəfə Həsənriz, Vəngli, Kolatağ, Daşbulaq və Badara kəndlərinə köç başlayıb. İnsanlar doğma torpaqlarına qayıtmağa davam edirlər.

Rock.News xəbər verir ki, bu mərhələdə Ağdərə rayonunun Vəngli kəndinə 6 ailə (14 nəfər), Kolatağ kəndinə 7 ailə (31 nəfər), Xocalı rayonunun Daşbulaq kəndinə 4 ailə (11 nəfər), Badara kəndinə isə 15 ailə (66 nəfər) köçürülüb. Köç edənlər əsasən respublikanın müxtəlif bölgələrində müvəqqəti məskunlaşmış ailələrdir.