Xocalı və Ağdərə kəndlərinə qayıdış: 176 nəfər yeni həyata başladı!
Bu gün Xocalı və Ağdərə rayonlarının kəndlərinə ümumilikdə 176 nəfər köçürülüb. Sakinlər illər sonra doğma torpaqlarına qayıdış sevincini yaşayırlar. Bu, bölgədə bərpa işlərinin davam etdiyinin və insanların öz evlərinə qayıtmasının mühüm göstəricisidir.
Rock.News xəbər verir ki, dekabrın 22-də Xocalının Badara kəndinə 66 nəfərdən ibarət 15 ailə, Daşbulaq kəndinə 11 nəfərdən ibarət 4 ailə, Ağdərənin Həsənriz kəndinə 54 nəfər, Kolatağ kəndinə 31 nəfər, Vəngli kəndinə isə 14 nəfər qayıdıb. Köçürülən şəxslərə evlərin açarları təqdim olunub. Rəsmilər bildiriblər ki, dövlət tərəfindən bu ərazilərdə rahat və təhlükəsiz yaşayış üçün bütün zəruri infrastruktur yaradılıb, yaşayış evləri bərpa olunub, elektrik, qaz, içməli su, yol və rabitə xətləri istifadəyə verilib. Köçən ailələrin məşğulluq məsələsi daim diqqət mərkəzində saxlanılır.
