“Səs” qəzeti 35 illik yubileyini qeyd edir: Baş redaktor müsahibə verir
Yanvarın 11-də Azərbaycan mətbuatının tarixində xüsusi yeri olan “Səs” qəzetinin 35 illiyi tamam olur. Qəzetin fəaliyyəti və cəmiyyətdəki rolu ilə bağlı baş redaktor Bəhruz Quliyev müsahibə verib.
Rock.News xəbər verir ki, Bəhruz Quliyev müsahibəsində qəzetin yaranma zərurətindən, keçdiyi çətin yollardan, Ümummilli Lider Heydər Əliyevin ideyalarına sadiqliyindən və dövlət-media münasibətlərindən danışıb. Qeyd edilib ki, “Səs” qəzeti Azərbaycanın müstəqilliyi ərəfəsində yaranıb və o dövrdə xalqın arzu və istəklərini ifadə edərək Heydər Əliyev ideyalarını ictimai rəyə çatdırıb. Qəzet həmçinin Yeni Azərbaycan Partiyasının ideoloji təbliğat vasitəsi olub və ölkədə vətəndaş cəmiyyətinin qurulmasına töhfə verib. Bəhruz Quliyev dövlət-media münasibətlərini müsbət qiymətləndirərək, Prezident İlham Əliyevin mətbuatın inkişafına göstərdiyi diqqəti vurğulayıb.
