Xankəndi caniləri son sözünü dedi: Babayan günahsızam!

Ermənistanın Azərbaycana qarşı törətdiyi cinayətlərə görə məhkəmə olunan Arayik Harutyunyan, Arkadi Qukasyan və digər separatçıların məhkəməsi davam edib. Bakı Hərbi Məhkəməsində keçirilən prosesdə təqsirləndirilən şəxslər son sözlərini deyiblər.

Rock.News xəbər verir ki, məhkəmə iclasında David Babayan ittihamlara cavab verərək özünü günahsız hesab etdiyini bildirib. Digər təqsirləndirilən Levon Mnatsakanyan isə Qarabağdakı qondarma rejimin təhlükəsizliyinin Ermənistan tərəfindən təmin olunduğunu və bütün əməliyyatların Ermənistan Baş Qərargahı tərəfindən planlaşdırıldığını iddia edib. Mnatsakanyan həmçinin zərərçəkmiş İlham Məmmədova işgəncə verilməsi ilə bağlı ittihamları rədd edib.